ჯასტინ დრიუ ბიბერი (ინგლ. Justin Drew Bieber დ. 1 მარტი, 1994) არის კანადელი პოპ/რ’ნ’ბ მომღერალი. მისი კარიერა დაიწყო Youtubeით, როდესაც 2007 წლიდან მან დაიწყო საკუთარი ვიდეოები Youtubeზე გამოქვეყნება. ის მოგვიანებით აღმოაჩინა სკუტერ ბრაუნმა, რომელმაც რჩევა ჰკითხა აშერს, სანამ ბიბერმა ხელი მოაწერა Island Records თან. საგულისხმოა, რომ ბიბერმა თავისით ისწავლა დაკვრა პიანინოზე,დოლზე,გიტარაზე და საყვირზე.

ბიბერი დაიბადა ონტარიოს პროვინციის ქალაქ სტრედფორდში, 1994 წლის 1 მარტს. სიმღერით იგი დაკავდა რამდენიმე წლის წინ. 2 წლის ასაკიდან ავლენდა ინტერესს მუსიკალური ინსტრუმენტებისადმი, განსაკუთრებით - დასარტყამებისადმი. ბავშვობაში მან მუსიკაზე სიარულიც დაიწყო.
მუსიკის გარდა ჯასტინი დაინტერესებულია კალათბურთით, ფეხბურთით და გოლფით, კატაობს სკეიტბორდზე.
ჯასტინი სწავლობდა ეივონის სახელმწიფო სკოლაში, ბედფორდის სახელმწიფო სკოლასა და ცენტრალურ სახელმწიფო სკოლაში.
წარმატება მის ცხოვრებაში გამოჩნდა, როდესაც მან 2007 წელს Youtube-ზე სხვადასხვა ცნობილი სიმღერის ქავერ-ვერსიის გამოქვეყნება დაიწყო. ჯერ კიდევ 2007 წელს მას გაუჩნდა ბევრი თაყვანისმცემელი, რომელიც დარწმუნებული იყო ბიბერის დიდ მომავალში. სკუტერ ბრაუნმა, რომელმაც აღმოაჩინა ბიჭუნა, ჯასტინი მომღერალ აშერს შეახვედრა. აშერი დაინტერესდა მისი ნიჭით. ამ დროისათვის ჯასტინი უკვე ჯასტინ ტიმბერლეიკთან კონტრაქტით იყო დაკავებული, მაგრამ უარი თქვა მასზე და აშერთან თანამშრომლობაზე დათანხმდა. 2008 წლის ოქტომბერში მან ხელი მოაწერა თავის პირველ კონტრაქტს.
2009 წელს გამოიცა მისი პირველი სინგლი "One Time", რომელიც ჰიტად იქცა. გამოცემიდან 1 კვირის თავზე იგი მოხვდა კანადური ცხელი ასეულის #1 პოზიციაზე. 2009 წლის 17 ნოემბერს გამოვიდა მისი მინი-ალბომი "My World". 2010 წლის 23 მარტს გამოიცა მეორე სტუდიური დისკი "My World 2.0".